ესპანელმა ჩოგბურთელმა, რაფაელ ნადალიმ მონაწილეობა მიიღო „არმანის” 2011 წლის გაზაფხული-ზაფხულის კოლექციის ფოტოსესიაში, სადაც „ემპორიო არმანის” საცვლებითა და „არმანი ჯინსის” შარვლებით პოზირებდა. წლების განმავლობაში „არმანის” სახეს დევიდ ბექჰემი და კრიშტიანუ რონალდუ წარმოადგენდნენ, თუმცა, გასული წლის დეკემბერში სამოდელო სახლმა თავისი არჩევანი რაფაელ ნადალიზე შეაჩერა. რაფაელის პარტნიორი კი „არმანის” სარეკლამო კამპანიაში მომხიბვლელი ჰოლივუდელი სექს-სიმბოლო – მეგან ფოქსი იქნება. კამპანია 2011 წლის თებერვალში დაიწყება.