როგორც ჩანს, მოახლოებულ 2012 წლის ევროპის ჩემპიონატზე თანამასპინძლები – უკრაინელები, ფეხბურთის გულშემატკივრებს პოპულარული და ზოგიერთისთვის თავის ტკივილის გამომწვევი ვუვუზელას საკუთარ ვერსიას შესთავაზებენ. საუბარია ძველ უკრაინულ საკრავზე – ზოზულიცაზე, რომელსაც ხალხში „ოკარინას“ უწოდებენ. ერთ-ერთი უკრაინული საწარმო უკვე შეუდგა ზოზულიცების წარმოებას, რომელთა სიგრძე 5-დან 22 სანტიმეტრამდე მერყეობს. როგორც ამბობენ, ვუვუზელასგან განსხვავებით, ზოზულიცა ნაკლებად იმოქმედებს ადამიანების ყურებზე, რადგან მას ნაზი და ტკბილი ხმა აქვს. უეფაში კი უკვე განიხილება ზოზულიცას აკრძალვის სტრატეგია, რადგან საკრავი თიხისგან მზადდება და მისი შეტანა სტადიონებზე აიკრძალება, რადგან თიხამ შესაძლოა, ზიანი მიაყენოს გულშემატკივრებს.