გადატვირთული საახალწლო კონცერტების, ჩაწერებისა და გადაცემების შემდეგ, მომღერალი ნოდიკო ტატიშვილი დასასვენებლად და განტვირთვისთვის ლონდონში გაემგზავრა, სადაც მისი და ცხოვრობს. ეს მოგზაურობა ძალიან საინტერესო პერიოდს დაემთხვა: ამ დღეებში ლონდონში ქართული ტაძარი იხსნება, რასაც სრულიად საქართველოს კათოლიკოს-პატრიარქი ილია მეორე ესწრება. რა თქმა უნდა, ამ მოვლენას არც ნოდიკო გამოაკლდება, მით უმეტეს, რომ დიდი ხნის განმავლობაში ის სამების ტაძარში გალობდა. ნოდიკოს შემოქმედებით ცხოვრებაში ის სიახლეცაა, რომ რამდენიმე ხნის წინ მან დუეტი ჩაწერა გოგოლა კალანდაძესთან, რომლის სატელევიზიო პრეზენტაციაც „პროფილში” შედგა. როგორც მომღერალმა გვითხრა, გოგოლა ძალიან კარგი პარტნიორი აღმოჩნდა, რამაც მასთან მუშაობა გაუადვილა.