მსოფლიოს 2010 წლის ჩემპიონატის საუკეთესო ფეხბურთელის ურუგვაელი დიეგო ფორლანის მეგობარმა გოგონამ ზაირა ნარამ, განაცხადა, რომ მზად არის თავის მომავალ მეუღლეს ტურინში გაჰყვეს. საქმე ისაა, რომ ფორლანს დიდი ხანია, თავის რიგებში ტურინული „იუვენტუსი” ეპატიჟება. თუმცა, ტრანსფერის განხორციელებას არა და არ დაადგა საშველი. ცნობილია ასევე, ზაირას ტურინში საცხოვრებლად გადასვლის კიდევ ერთი მიზეზი. მისი ღვიძლი და – ვანდა, „კატანიას” ფორვარდის, არგენტინელი მაქსი ლოპესის მეუღლეა და დიდი ხანია, ქმართან ერთად იტალიაში ცხოვრობს. ასე რომ, დებს ერთად ყოფნა უნდათ.