მანამ არგენტინის და მადრიდის „რეალის” თავდამსხმელი გონსალო იგუაინი ტრავმას იშუშებდა და დაკარგული სეზონის გამო დარდობდა, მისმა „გერლფრენდმა“ სოლედად ფანდინომ ახალი საყვარელი გაიჩინა. არგენტინელი ჟურნალისტების ვერსიით სოლედადის რჩეული, მსახიობი როდრიგო დე ლა სერნა გახლავთ, ხოლო იგუაინთან რომანი როგორც ჩანს წარსულს ჩაბარდა. საინტერესოა, რომ ამას წინათ „რეალის” მწვრთნელი, ჟოზე მოურინიო ფეხბურთელთან დაკავშირებას ცდილობდა, თუმცა მისი მობილური არ პასუხობდა. უცნობია, იგუაინი რას განიცდის უფრო მეტად, სოლედადის დაკარგვას, თუ იმას, რომ მაისამდე ბურთს ფეხს ვერ დააკარებს.