საფეხბურთო საზოგადოებისთვის დიდ მოულოდნელობად იქცა ის ფაქტი, რომ „ოქროს ბურთის” დაჯილდოების ცერემონიალზე, განთქმული გერმანელი ფეხბურთელი და მწვრთნელი ლოთარ მათეუსი მეუღლესთან, უკრაინელ ლილიანასთან ერთად გამოჩნდა. ყველა გაკვირვებული იყო, რადგან ორი კვირით ადრე წყვილმა ოფიციალურად დაადასტურა, ერთმანეთს ვეყრებითო. მოგვიანებით მათეუსმა პრესასთან სცადა, აეხსნა თავისი საქციელი და განაცხადა, რომ ცდილობს, შეინარჩუნოს ოჯახი, თუმცა ეს ნაკლებად სავარაუდოა, რადგან იმავე ღამით, პაპარაცებმა გერმანელი ფეხბურთელი მავანი კვიპროსელი მოდელის გარემოცვაში შენიშნეს. აღსანიშნავია, რომ უკრაინელ ლილიანა ჩუდინოვასთან ქორწინება რიგით მეოთხეა ლეგენდარული ფეხბურთელისთვის და, როგორც ჩანს, იგი ამაზე შეჩერებას არ აპირებს.