არგენტინაში, საფეხბურთო კლუბ „რასინგის” ვარჯიშის დროს, ელვამ გუნდის მასაჟისტი, 61 წლის ხორხე სესარ ნარდი ადგილზევე მოკლა. კლუბის ოფიციალურ ვებ-გვერდზე განთავსებული ინფორმაციის თანახმად, ელვის დარტყმის მომენტში ნარდი კართან ახლოს იმყოფებოდა. მასაჟისტი სასწრაფო დახმარების მანქანით ჰოსპიტალში გადაიყვანეს, თუმცა მისი მდგომარეობა უიმედო იყო. აღსანიშნავია, რომ ნარდის გარდა, ელვამ ერთ-ერთ ფეხბურთელსაც დაარტყა, თუმცა მისი მდგომარეობა ამჟამად დამაკმაყოფილებელია.