რადიო „აფხაზეთის ხმაზე” რომ ვარსკვლავთცვენაა ეს გადასარევად იცის ამ რადიოს მოყვარულმა ათიათასობით მსმენელმა, თუმცა რადიოტალღის მესვეურებს ახალი პროექტების დაწყება და ახალ-ახალი ვარსკვლავების დაკავება არ შეუწყვეტიათ. მორიგი წამყვანი ნინი ბადურაშვილია. იგი უკვე გამოცდილ სალომე გოგიაშვილთან ერთად გაუძღვება ახალ გადაცემას, რომელსაც ერქმევა „ცოტა ყავა და ბევრი ჭორი”, სადაც გოგონები ილაპარაკებენ ყველაფერზე და ყველაზე, ისე, როგორც დიდი ხნის მეგობრები ამას სახლში ჭიქა ყავასთან შეკრებილები აკეთებენ. გარდა ამისა, „აფხაზეთის ხმა” კიდევ ახალ გადაცემას იწყებს, „სიცილი წესების გარეშე”, რომელსაც ვახო ბიჭიკაშვილი წაიყვანს და რა თქმა უნდა, სიცილს, იუმორს, კარგ და ახალ ანეკდოტებს მიეძღვნება.