10 წლის ქეთრინ ავრორა გრეიმ, რომელიც მშობლებთან ერთად კანადის ქალაქ ფრედერიკტონში ცხოვრობს, ახალი წლის წინა დღეს აღმოაჩინა ადრე უცნობი ზეახალი ვარსკვლავი, რომელიც მდებარეობს შორეულ გალაქტიკაში, დედამიწიდან 240 მილიონ სინათლის წლის მანძილზე, ჟირაფის თანავარსკვლავედში.

სკოლის მოსწავლემ თავისი აღმოჩენა გააკეთა მაშინ, როდესაც სწავლობდა კოსმიური სივრცის ფოტოებს, რომლებიც მისმა მამამ, მოყვარულმა-ასტრონომმა პოლ გრეიმ გადაიღო ობსერვატორიაში. აღმოჩენილმა ვარსკვლავმა მიიღო სახელწოდება „სუპერნოვა 2010 წელი“.

გასულ წელს, გაიგო რა, რომ ყველაზე ახალგაზრდა მოყვარული – ასტრონომი, რომელმაც ზეახალი ვარსკვლავი აღმოაჩინა, 14 წლის მოსწავლეა, ქეთრინმა გადაწყვიტა, გაეუმჯობესებინა ეს რეკორდი. კანადის ასტრონომიულმა სამეფო საზოგადოებამ განაცხადა, რომ ახლა ქეთრინი ყველაზე ახალგაზრდაა მათ შორის, ვისაც ასეთი აღმოჩენა ოდესმე გაუკეთებია.