3 იანვარი

1882 – ამერიკაში ჩასულმა ოსკარ უაილდმა მებაჟის მოთხოვნას, წარმოედგინა დოკუმენტები და ბარგი – უპასუხა: მე არაფერი გამაჩნია, გარდა გენიისა!

1888 – სტოუნმა ვაშინგტონიდან დააპატენტა წვენებისა და კოქტეილების დასალევი მილაკი.

1962 – რომის პაპმა ანათემას გადასცა ფიდელ კასტრო.

4 იანვარი

1493 – ამერიკის აღმომჩენი, დარწმუნებული იმაში, რომ „აღმოაჩინა“ აზია, გაუდგა გზას უკანა ესპანეთისკენ.

1896 – იუტა, მას შემდეგ, რაც იქ მცხოვრებმა მორმონებმა უარი თქვეს მრავალცოლიანობაზე, ოფიციალურად გახდა ამერიკის 45-ე შტატი.

1943 – ამერიკულმა ჟურნალმა „თაიმმა“ წლის ადამიანად იოსებ სტალინი დაასახელა.

1961 – კოპენჰაგენში დასრულდა მსოფლიოში ყველაზე უფრო ხანგრძლივი გაფიცვა: ადგილობრივი პარიკმახერები გაფიცულნი იყვნენ 1928 წლიდან.

5 იანვარი

1825 – ფრანგ მწერალს ალექსანდრ დიუმას კურიოზი შეემთხვა – დუელზე ფარიკაობისას შარვალი ჩაძვრა.

1875 – გაიხსნა პარიზის „გრანდ ოპერა“.

1919 – გერმანიაში ანტონ რექსლერმა და კარლ ჰარერმა დააარსეს გერმანიის მუშათა პარტია, რომელსაც შემდეგ ნაციონალ-სოციალისტური (ნაცისტური) მუშათა პარტია ეწოდა.

6 იანვარი

1389 – დაარსდა კიოლნის უნივერსიტეტი, დღესდღეობით უდიდესი გერმანიაში.

1681 – პირველი აღწერილი კრივის მატჩი ინგლისში.

1838 – სამუელ მორზემ პირველად წარადგინა თავისი ტელეგრაფის აპარატი.

1929 – პირველად მაღაზიებში გასაყიდად გამოვიდა რძე ქაღალდის პაკეტებში.

1939 – ბერლინში ოტო ჰანმა და ფრიც შტრასმანმა განაცხადეს მათ მიერ თბური ნეიტრონებით ურანის ბირთვების გახლეჩის აღმოჩენის თაობაზე, ეს აღმოჩენა დაედო საფუძვლად ბირთვული ბომბის ტექნოლოგიას.

1964 – ინგლისმა და საფრანგეთმა მიაღწიეს შეთანხმებას ლა-მანშის ქვეშ გვირაბის მშენებლობის თაობაზე.

7 იანვარი

1610 – გალილეო გალილეიმ აღმოაჩინა იუპიტერის პირველი თანამგზავრები: იო, აგინმედე და ევროპა.

1887 – სან-ფრანცისკოელმა თომას სტივენსმა დაასრულა პირველი მოგზაურობა დედამიწის გარშემო ველოსიპედით, დაწყებული 1884 წლის აპრილში.

1914 – პირველმა გემმა გაცურა ჯერ კიდევ ოფიციალურად გაუხსნელ პანამის არხში.

8 იანვარი

1656 – ჰოლანდიის ქალაქ ჰარლემში გამოვიდა გაზეთი, რომელიც დღემდე გამოდის, ესაა უძველესი დღემდე არსებული პერიოდული გამოცემა.

1958 – 14 წლის ბობი ფიშერი გახდა ამერიკის შეერთებული შტატების ჩემპიონი ჭადრაკში.

9 იანვარი

1793 – ფრანგმა ჟან-პიერ ბლანშარმა, პირველმა გადაუფრინა ამერიკის კონტინენტს საჰაერო ბურთით.

1799 – ინგლისში მსოფლიოში პირველად შემოიღეს მოგების გადასახადი.

1816 – ქვანახშირის მაღაროებში პირველად გამოიყენეს უსაფრთხო ნავთის ლამპები.

1951 – ნიუ-იორკში გაიხსნა გაეროს შტაბ-ბინის შენობა.