2010 წლის იანვარში კომპანია „ეფლის“ ხელმძღვანელის გამოსვლა „აიპოდის“ პრეზენტაციაზე სან-ფრანცისკოში, თანამედროვე ბიზნესში წლის ყველაზე დიდი გარღვევა გახდა. გავლენიანმა ბრიტანულმა გაზეთმა „ფაინენშლ თაიმსმა“ წლის ადამიანის წოდება სწორედ კომპანია „ეფლის“ დირექტორს, სტივ ჯობსს მიანიჭა. 10 წლის წინ, ჯობსისა და მისი კომპანიის კარიერას უოლ სტრიტის პირველი რიგებიდან ამოშლილად მიიჩნევდნენ, თუმცა, 2010 წლის დასაწყისში ის დიდ ბიზნესში დაბრუნდა. კომპანია კვლავ „აი ტი“ ინდუსტრიაში ლიდერი გახდა. „როცა სტივ ჯობსი პირველად მოხვდა გაზეთების პირველ გვერდებზე, ის ახალგაზრდა იყო. უფრო ახალგაზრდა, ვიდრე ამჟამად მარკ ცუკერბერგია. კომპიუტერულ მაგნატობამდე, მისი წვლილი პერსონალური ტექნოლოგიების განვითარებაში, უმნიშვნელოვანესია. სწორედ ამან აქცია ჯობსი კომპიუტერული ინდუსტრიის როკ-ვარსკვლავად, მიუხედავად იმისა, რომ ბილ გეითსი სტივ ჯობსზე გაცილებით მდიდარია, გეითსი ჩრდილში გადავიდა და ახლა ძირითადად, საქველმოქმედო საქმიანობით არის დაკავებული“, – აღნიშნავს გაზეთი „ფაინენშელ თაიმსი“. ჯობსმა შარშან თირკმელი გადაინერგა. 2010 წელს კი აქტიურ მოღვაწეობას დაუბრუნდა.