ცნობილ რუმინელ მოდელს და „ფლეიბოის“ ვარსკვლავს, ბიანკა დრაგუშანუს ანერვიულებენ. მისი „ბოიფრენდი“, ბუქარესტის „დინამოს“ ფეხბურთელი – ადრიან კრისტია პროვინციულ „კლუჟში“ გეგმავს გადასვლას. ქალაქი, კი სადაც ეს კლუბი თამაშებს მართავს 426 კილომეტრით არის დაშორებული ბუქარესტიდან, რაც იმას ნიშნავს, რომ ბიანკას რაღაც დროით საყვარელ ადამიანთან განშორება მოუწევს. რუმინული პრესის აზრით, ეს ფეხბურთელისა და მოდელის რომანს წერტილს დაუსვამს. ფეხბურთელის აგენტის თქმით, ეს გამოწვევა კრისტიას კარიერას სასიკეთოდ წაადგება, რადგან „კლუჟი“ უკანასკნელი პერიოდია, რუმინული ფეხბურთის ფლაგმანი გახდა. ხელფასი შუახაზელ კრისტიას თვეში 50 ათასი ევრო ექნება. „დინამო“ კი ამ თანხას მას ვერ უხდის. სწორედ საყვარელ ადამიანთან განშორების საფრთხეს რომ ხედავს დრაგუშანუ, იმიტომაც ნერვიულობს.