დიდი ხნის განმავლობაში, ირაკლი ფირცხალავა რუსულ „ემტივიზე“ წამყვანად მუშაობდა, თუმცა, წლის ბოლოს მან სამსახურზე უარი თქვა და ტელევიზიიდან წამოვიდა. ამის მიზეზად მომღერალმა თავისი პროფესია დაასახელა: მან თქვა, რომ არტისტია, ეს არის მისი ცხოვრება და საქმე და, არ უნდა, ისეთი საქმეებით მოცდეს, რომელიც მას მუსიკას ჩამოაშორებს. ამავდროულად, მომღერალმა გადაიღო საახალწლო კლიპი სიმღერაზე „ს ნოვიმ გოდომ“. ეს არის არა მხოლოდ სიმღერა და კლიპი, არამედ საქველმოქმედო აქციაც, რომელიც ბავშვთა სახლის აღსაზრდელების მხარდასაჭერად ეწყობა. ირაკლისთან ერთად ამ პროექტში მონაწილეობას იღებენ: ვლადიმირ პრესნიაკოვი, ნიუშა, „ა სტუდიო“ და „ვინტაჟი“. „ეს არის კომპოზიცია-დღესასწაული“, – ამბობენ მომღერლის პრეს-სამსახურში. კომპოზიციის გაორკესტრებული ვერსია გააკეთა ჯიმ პრიტსკერმა – ავტორმა, რომელმაც შექმნა საუნდთრეკი ფილმისთვის „პარფიუმერი“. კლიპის გადაღებებისთვის აშენდა სპეციალური დეკორაციები ტყის იმიტაციით, სადაც მუსიკოსებთან ერთად მთავარ როლს კურდღელიც ასრულებს, როგორც ახალი, 2011 წლის სიმბოლო.