ცნობილი მოდელის სიყვარულის ობიექტზე ჩვენი ჟურნალის გასულ ნომრებში უკვე ვისაუბრეთ, თუმცა დაწყებული სასიყვარულო ურთიერთობა ინტენსიურად იზრდება გაცილებით სერიოზულ ურთიერთობებში. ასე რომ, სულ მალე, შეიძლება, მოდელის ქორწილის შესახებაც კი მოგაწოდოთ ინფორმაცია. რაც შეეხება მის შეყვარებულს, თაზო ვაჩნაძეს, ის გახლავთ სახელმწიფო უნივერსიტეტის ისტორიის ფაკულტეტის ყოფილი დეკანის, მერაბ ვაჩნაძის უმცროსი შვილი. მერაბ ვაჩნაძის უფროსი შვილი, მიტო ვაჩნაძე, თბილისის ერთ-ერთ ყველაზე სასურველ სასიძოდ ითვლებოდა და, მის გარეგნობას ბევრი თბილისელი ლამაზმანი ჰყავდა მოხიბლული. მიტოს პირველი მეუღლე, ეგრეთ წოდებული კრიმინალური ავტორიტეტის, გოგი ჩიქოვანის შვილიშვილი – ნათია ჩიქოვანი იყო, რომლისგანაც ჰყავს შვილი – ბიბა. მასთან განშორების შემდეგ მიტო დაქორწინდა კიდევ ერთ თბილისელ ლამაზმანზე, ქეთი ჩიჩუაზე, რომელიც „ბრავოს“ წამყვანის – რუსა ჩაჩუას მეგობარია. სხვათა შორის, იმასაც ამბობდნენ, რომ დაოჯახებამდე მიტოს ნინი ბადურაშვილთანაც ჰქონდა ურთიერთობა, ყოველ შემთხვევაში, ფლირტის დონეზე მაინც. რაც შეეხება თაზოს, მისი ყველაზე ცნობილი სიყვარული კრისტი ყიფშიძეა. ვნახოთ, როგორ განვითარდება მოვლენები, შედგება თუ არა საინტერესო, ბომონდური ქორწილი.