პირველად კატალონიური კლუბის, „ბარსელონას“ არსებობის ისტორიაში, მაისურზე გამოსახული სარეკლამო წარწერისთვის, კლუბის მფლობელები ფულს მიიღებენ. საუბარია ხუთწლიან კონტრაქტზე, რომელიც „ბარსელონამ“ ყატარულ არაკომერციულ ორგანიზაცია „ყატარ ფაუნდეიშენთან“ გააფორმა და რომლის განმავლობაშიც 150 მილიონ ევროს მიიღებს. ანუ, 30 მილიონს – ერთ სეზონში. ყატარული კომპანიის ლოგოტიპი „ბარსას“ მაისურზე 2011-2012 წლების სეზონის დაწყებისთანავე გაჩნდება. ამჟამად დიზაინერები ამუშავებენ პროექტს, რომ ყატარული ლოგოტიპი „ბარსელონას“ მაისურზე ამჟამად არსებულ წარწერა – „იუნისეფთან“ ერთად გამოსახონ. ამჟამად „ბარსას“ მაისურებზე, მხოლოდ „იუნისეფის“ ლოგოტიპია და ამ ორგანიზაციასთან კატალონიელები 2006 წლიდან თანამშრომლობენ. ყოველწლიურად ფონდის ანგარიშზე 1,5 მილიონ ევროს რიცხავენ.