სამოდელო სააგენტოს ხელმძღვანელი და დიზაინერი ლიკა ყაზბეგი, ამჯერად „რომპეტროლის” სპონსორობით, უკვე მესამედ ახორციელებს თავის პროექტს – „წარმატებული ქალბატონები პოდიუმზე“. სხვადასხვა სფეროში მოღვაწე წარმატებული ქალბატონები: არაერთი ჟურნალისტი, ბიზნესლედი, ფსიქოლოგი, პლასტიკური ქირურგი და სხვები, 23 დეკემბერს, ულამაზეს კაბებში გამოწყობილები ენაცვლებოდნენ ერთმანეთს პოდიუმზე. განსაკუთრებით ლამაზი იყო „ფიარ-ოფისის” დამფუძნებელი, ნატალია ზუევა, რომელიც ყოველდღიურ ცხოვრებაშიც არანაკლებ ელეგანტურად გამოიყურება. „დიდუბე პლაზაში” უამრავი ადამიანი შეიკრიბა, მათ შორის იყო ლონდონიდან სულ ცოტა ხნის წინ ჩამოსული ინგა გრიგოლია, რომელიც აღფრთოვანებას არ მალავდა და ყველას აპლოდისმენტებისკენ მოუწოდებდა. ეს დღე თითოეული მათგანისთვის დღესასწაულად იქცა. მათ მოახერხეს დაძაბული, ყოველდღიურობიდან გადართვა და საკუთარ თავსაც და ერთმანეთსაც კიდევ ერთი ლამაზი დღე აჩუქეს.