ბუასტი: მდაბიური მანერები ზოგჯერ შეუმჩნეველია სამხედროთა შორის, მაგრამ არა სასახლის კარზე.

საადი: ნუ აჰყვები უღირსებს. წაგახდენენ ცხადად, კაცს ადვილად შეაცდენს ზეგავლენა სხვათა.

ფილდინგი: ჩვენს მიმართ უმცირესი ორგულობის გამოვლენა უფრო გვაშფოთებს, ვიდრე ყველაზე მუხანათური ღალატი სხვების მიმართ.

ედისონი: სიმშვიდის უქონლობა – დაუკმაყოფილებლობაა, დაუკმაყოფილებლობა კი პროგრესის პირველი პირობაა.

მირზა შაფი: ზოგჯერ კარგი საჩუქარიც ელის კარგი საქმის ჩამდენს, მაგრამ საქმე გააკეთე, საჩუქარი რომც არ ჩანდეს!

ლუი სინი: იმ მცირედს, რასაც მე ვაკეთებ, ყველასთვის და მომავლისთვის ვაკეთებ. ამის წყალობით, ალბათ, გზას არასოდეს ავცდები.

ლაროშფუკო: იგივე სიამაყე, რომელიც ასე ხშირად აღგვიძრავს შურს სხვების მიმართ, ხანდახან იმაშიც გვეხმარება, რომ ცოტათი მაინც მოვთოკოთ შური.

დემოკრიტე: სალმიან და სერიოზულ მოხუცზე სასიამოვნო არავინაა.

შოპენჰაუერი: სიბერის საუკეთესო ნიმუშია შეგნება იმისა, რომ ახალგაზრდობაში მთელი ძალები მოახმარე საქმეს, რომელიც არასდროს დაბერდება.

ციცერონი: ბრძენთა ქცევა ნაკარნახევია გონებით, ნაკლებად საზრიანთა – გამოცდილებით, უმეცართა – აუცილებლობით, ცხოველთა – ბუნებით.

პასკალი: გეშინოდეს სიკვდილის არა საფრთხეში, არამედ მაშინ, როდესაც არაფერი გვემუქრება. დე, ადამიანი ყოველთვის დარჩეს ადამიანად.

ივანე მრისხანე: თუ ბოროტი ხართ, მაშინ როგორ უკეთებთ სიკეთეს თქვენს ბავშვებს? თუ გულადი და კეთილი ხართ, მაშინ რატომ არ შეგიძლიათ, ისეთივე სიკეთე გაუკეთოთ ჩვენს შვილებს, როგორსაც თქვენსას უკეთებთ?

კონსტანტინე: გულით მართალი ადამიანები მაშინაც იხვეჭენ ბრწყინვალების ახალ შარავანდს, როცა ისინი უმართებულო შევიწროების ახალ იერიშს აიტანენ ხოლმე.

ლესინგი: იმის მსგავსად, რომ კომპლიმენტი სიცრუის გარეშე იშვიათად არსებობს, ასევე უხეშობაც იშვიათად არსებობს სიმართლის რაღაც მარცვლის გარეშე.

***

სავსე გულს სიტყვების აწონა არ შეუძლია.

ბალზაკი: სიმართლე – მწარე, არასასიამოვნო გემოს სასმელია, სამაგიეროდ, ჯანმრთელობის აღმდგენი საშუალებაა.

ნოდარ დუმბაძე: ალბათ, ძალიან სასიამოვნო გრძნობაა, როდესაც ადამიანმა იცის, რომ ლამაზია.

ტოლსტოი: სირცხვილი ადამიანების მიმართ კარგი გრძნობაა, მაგრამ უკეთესია, სირცხვილი საკუთარი თავის მიმართაც გაგვაჩნდეს.

მონტენი: დამცინავი დუმილი ყველაზე უფრო დამამცირებელი პასუხია.

ჰიპოკრატე: ვისაც არ უყვარს, მას არავინ შეიყვარებს.

უილკოკსი: სიყვარული უფრო დიდ ცეცხლს აჩაღებს, ვიდრე შურს შეუძლია ჩააქროს.

კასია: შეიყვარე თუნდაც ყველა, მაგრამ ყველას ნუ ენდობი.

მოპასანი: თუ ლამაზ ქალზე დაქორწინდი – იამაყე! ხოლო თუ არ დაქორწინდი – გაიხარე!