ცნობილი ფაქტია, რომ მავანმა ქართველმა ფეხბურთის მოყვარულმა და ბრაზილიის გულშემატკივარმა საკუთარ შვილს „პელე“ დაარქვა, ჰოდა თითქმის ანალოგიური შემთხვევა ამას წინათ ყატარში დაფიქსირდა, სადაც ახალშობილ ქალიშვილს მშობლებმა მსოფლიოს ჩემპიონატის მასპინძლობის უფლების მიღებასთან დაკავშირებით „ფიფა“ დაარქვეს. გოგონა 2 დეკემბერს დაიბადა, ზუსტად იმ დღეს, როდესაც მსოფლიოს ჩემპიონატის მასპინძლის ვინაობა უნდა გარკვეულიყო და მშობლებმაც თავდაპირველად ჩაფიქრებული სახელის ნაცვლად, შვილს მსოფლიო ფეხბურთის მმართველი ორგანოს სახელი უწოდეს.