ცოტა ხნის წინ ულამაზესი მოდელი კრისტი პოდიუმზე ასვლიდან 17 წელს აღნიშნავდა, რის შემდეგაც, სულ ცოტა ხანში, ის პოლონეთში – ვარშავასა და კრაკოვში მიიწვიეს და ავეჯის სალონის რეკლამაში გადაიღეს. პოლონეთში კრისტი იქ მცხოვრებმა ქართველმა მეგობარმა, თაზო ვაჩნაძემ მიიწვია. მოდელის იქ ყოფნის პერიოდშივე გავრცელდა ხმები, რომ მათ შორის მეგობრობის გარდა, კიდევ უფრო სერიოზული გრძნობებიც გაჩნდა, თუმცა, ამის შესახებ კრისტი არანაირ კომენტარს არ აკეთებს. რა ხდება მოდელის ცხოვრებაში და მის სასიყვარულო ურთიერთობებში, მგონი, მეორეხარისხოვანია, მთავარი კი ის არის, რომ ამდენი წლის მერეც, ის საოცარ ფორმაშია და კიდევ ბევრჯერ შეძლებს ჩვენს გაოცებას პოდიუმებიდან და ჟურნალების ფურცლებიდან.