13 დეკემრებს ხატია სიჭინავასა და რამაზ ნოზაძეს შვილი შეეძინათ. მათი სიყვარულის ისტორია დიდხანს იყო ცნობისმოყვარეთა საუბრის თემა, მაგრამ, სიყვარულის ნაყოფმა ყველას და ყველაფერს თავისი ადგილი მიუჩინა და ახალბედა მშობლები თავს უბედნიერესად გრძნობენ. ხატია სიჭინავა „ჯანმრთელობის სახლში“ ამირან ქორიძემ ამშობიარა. მთელი ორსულობის განმავლობაში წყვილს ექოსკოპიაზე ეუბნებოდნენ, რომ ბიჭი შეეძინებოდათ. რამაზს და ხატიას გადაწყვეტილი ჰქონდათ, მამა გაბრიელის სიყვარულით, ბავშვისთვის გაბრიელი დაერქმიათ, მაგრამ განგებამ მშობლებს სიურპრიზი მოუწყო და მათ ულამაზესი გოგონა შეეძინათ. თუმცა წყვილს სახელზე ბევრი აღარ უფიქრიათ და პატარას ლამაზი და ორიგინალური სახელი – გაბრიელა დაარქვეს. გაბრიელა და მისი დედიკო თავს მშვენივრად გრძნობენ. ჩვენ ვულოცავთ წყვილს ამ ბედნიერებას და უდიდეს ბედნიერებას ვუსურვებთ მთელ ოჯახს!