* გერმანიაში მიღებული ტრადიციაა, ქორწილის წინა საღამოს, პატარძლის სახლის წინ ჭურჭლის დამტვრევა. ამ რიტუალს საპატარძლოს მეჯვარეები ასრულებენ და დიდი მონდომებით ამტვრევენ თეფშებს. ეს ბედნიერების ნიშანია.

* ესპანეთში სასიძო მომავალ ცოლს აუცილებლად სჩუქნის ცამეტ მონეტას. ეს იმის ნიშნად, რომ მთელი ცხოვრება იზრუნებს მასზე.

* კენიაში პატარძლები ფეხებზე და მაჯებზე საგანგებო, რიტუალურ სვირინგებს იკეთებენ. საღებავი მთელი წელი ძლებს, მერე გადადის. კენიაში მიაჩნიათ, რომ ერთი წელი საკმარისია რომ, ქალი თავის სტატუსს შეეჩვიოს.

* ბერმუდის კუნძულებზე საქორწინო ტორტს ნედლი ყლორტებითა და კვირტებით რთავენ. ქორწილის მერე ახალდაქორწინებულები ყლორტს მიწაში რგავენ. სახლის წინ, თუ ხე გაიზარდა, მათი ცხოვრებაც ხანგრძლივი და ბედნიერი იქნება.

* ჩინეთში საქორწინო ცერემონიის დროს სიძე ღვინოს ორი ფიალით სვამს, რომლებიც ერთმანეთზე წითელი ლენტით არის გადაბმული. წითელი ფერი ბედნიერების სიმბოლოა.

* შვედეთში პატარძლის ფეხსაცმელს არ უნდა ჰქონდეს შესაკრავი. რათა მომავალში ბავშვის გაჩენა არ გაუჭირდეს. გათხოვილ შვედ ქალბატონებს თითზე სამი რგოლი უკეთიათ: ერთი ნიშნობის ბეჭედია, მეორე – საქორწინო, მესამე – ქმრის მიერ პირველი შვილის დაბადების აღსანიშნავად ნაჩუქარი.

* ამერიკაში ქორწილის დღეს პატარძალს ყველაფერი ახალი უნდა ჰქონდეს, გარდა ერთი ნივთისა, რომელიც აუცილებლად ძველი უნდა იყოს. იმის ნიშნად, რომ წარსული, ანუ მეგობრები და ახლობლები ყოველთვის მის გვერდით იქნებიან ახალ ცხოვრებაში.

* ნიგერიაში პატარძალმა ქორწილის დღემდე წონაში უნდა მოიმატოს, ეს სავალდებულოა – თუ არა, მას მშობლებს დაუბრუნებენ. მათ მიაჩნიათ, რომ გამხდარი პატარძალი ახალ ოჯახში სიღარიბეს შეიტანს.