10 დეკემბერს, მომღერალს, ტელეწამყვანს, ულამაზეს თიკა ფაცაციას მეორე შვილი შეეძინა. თიკა ყველანაირად ცდილობდა ორსულობის დროს მედიაში არ გამოჩენილიყო და მთელი ეს პერიოდი სიმშვიდეში გაეტარებინა, თუმცა გადაცემა „ბრავოთი“ მთელმა საქართველომ გაიგო, რომ თიკა სულ მალე მეორე შვილის დედა გახდებოდა. თუმცა, ბოლო დღეები ძალიან გაიწელა, როგორც ჩანს პატარა დედის მუცელში თავს კომფორტულად გრძნობდა. საბოლოო ჯამში, ამქვეყნად მოვლინება პატარა ვაჟკაცმა 10 დეკემბერს გადაწყვიტა. ის ჩაჩავას სახელობის სამშობიარო სახლში, ზურა დარახველიძის დახმარებით გაჩნდა. თიკას უფროსი ბიჭი, უკვე ათი წლისაა და პატარა ძმის დაბადებამ ძალიან გაახარა. ვულოცავთ თიკას და მის მეუღლეს მეორე ბიჭს, ჯანმრთელობას და უბედნიერეს ცხოვრებას ვუსურვებთ მას!