საუკეთესოს ავლენს
„რედ ბული“ არის იმ ყველაზე პრესტიჟული ტურნირის ორგანიზატორი და სულისჩამდგმელი, რომელიც მსოფლიოში საუკეთესო ბრეიკ-დანსის მოცეკვავეს ავლენს. „რედ ბულ ბი-სი 1“ მსოფლიოს უდიდეს მეგაპოლისებში ტარდება. წელს, 27 ნოემბერს, ის ტოკიოში ჩატარდა, რომელმაც უძლიერესი ბრეიკერი გამოავლინა. ბი-ბოი, როგორც მას უწოდებენ – ბრაზილიელი „ცუნამია“, რომელმაც საოცრებები ჩაიდინა და როგორც მსოფლიო პრესა წერს, გააგიჟა ყველა, ვინც მის ცეკვას თვალყურს ადევნებდა. „რედ ბულის“ საქართველოს წარმომადგენლობა ყველაფერს აკეთებს, რომ იმ 16 მონაწილეს შორის (სწორედ ასეთი შეზღუდული რაოდენობა დაიშვება ტურნირზე) ქართველი მოცეკვავეც მოხვდეს. თუმცა, ამისთვის სხვადასხვა ასევე პრესტიჟულ ტურნირებში გამარჯვება, ძალიან დიდი გამოცდილება და სერიოზული სივია საჭირო. დიდი იმედი მაქვს, რომ ოდესმე ამ ტურნირს თბილისშიც ვნახავთ და ალბათ, წლის ყველაზე შთამბეჭდავი მოვლენა იქნება.