მხოლოდ ფაქტები
* ადამიანს ზედა ქუთუთოზე დაახლოებით 150-200 წამწამი აქვს, ქვემოთ კი – 50-100. აღსანიშნავია, რომ თითოეული, საშუალოდ, მხოლოდ 150 დღეს ძლებს.
* კოპენჰაგენში 1874 წელს გამართულ არქეოლოგთა საერთაშორისო ყრილობას დანიელებმა ხის ქოხი მიუძღვნეს, რომლის ყველა დეტალი (ხის მოჭრით დაწყებული) ქვის ნაჯახებით იყო გაკეთებული.
* ჩინეთში ერთ-ერთი პოპულარული საყოფაცხოვრებო მოწყობილობა არის სარეცხი მანქანა „აიცი“, რაც ქართულად ნიშნავს რომ მისი შემძენი „ცოლს აღმერთებს“.
* 1941 წელს გამოიცა და სერიულ წარმოებაში ჩაეშვა კონსტრუქტორ ტუპოლევის მიერ შექმნილი მრავალმიზნობრივი თვითმფრინავი ANT-58. „ხუმარა“ კონსტრუქტორმა თვითმფრინავის სახელში იმ სტატიის (58) ნომერი შეიტანა, რომლითაც თავის დროზე ის გაასამართლეს.
* მეცნიერთა კვლევამ ძველ გამოთქმას – „შიშს დიდი თვალები აქვს“, აზრი დააკარგვინა. თურმე, ადამიანს თვალები უფართოვდება მაშინ, როდესაც რაღაც საინტერესოს ხედავს. ამასთან, დადგინდა, რომ მამაკაცებს თვალები ლამაზი ქალის გამოსახულების დანახვისას უფართოვდებათ, ქალებს – ბავშვის ფოტოს.
* ვეშაპებს ქონის მისაღებადაც ხოცავენ. მეცნიერებმა დაადგინეს, რომ თუ ადამიანი ვეშაპის მოწველას ისწავლის, მისი მოკვლა საჭირო აღარ იქნება, 80 დღის განმავლობაში მისი რძისგან ისედაც მიიღებს იმავე რაოდენობის ცხიმს.
* კუნძულ ბორნეოზე იმართებოდა ქალთა დუელები. ეს სულაც არ ნიშნავს, რომ იქაური ქალები ძალიან აგრესიულები იყვნენ. უბრალოდ, მათ ორთაბრძოლებში ქმრები თავიანთ ნაცვლად აყენებდნენ. თვითონ კი მხოლოდ სეკუნდანტების როლში გამოდიოდნენ.
* მარათონთან გამართული ბრძოლის დროს მთვარე უკანასკნელ მეოთხედში იყო, სპარტელებმა ჩათვალეს, რომ ეს ცუდზე მიანიშნებდა და ბერძენთა ლაშქარს გვიან შეუერთდნენ.