ამერიკელმა ჯიმ მარტინმა, მეუღლეს – პროფესიონალურ კრივში მსოფლიოს ჩემპიონს, კრისტი მარტინის ფიზიკური შეურაცხყოფა და ცივი იარაღით რამდენიმე ჭრილობა მიაყენა. საქმე ისაა, რომ კრისტის ორი დღე სახლში არ გაუთევია, ხოლო ეჭვიანმა ქმარმა ასეთი ხერხით გამოხატა თავისი უკმაყოფილება. 42 წლის კრისტი და 66 წლის ჯიმი ფლორიდის შტატში ცხოვრობენ. ქმრის თავდასხმის შემდეგ, კრისტიმ სახლიდან გაქცევა და პოლიციაში მისვლა მოახერხა, რის შემდეგაც იგი საავადმყოფოში გადაიყვანეს. საინტერესოა, რომ ჯიმ მარტინი მიმალვაშია და მას პოლიცია ეძებს. მსოფლიო სპორტში კრისტი მარტინი ერთ-ერთ ყველაზე ცნობილი პროფესიონალი ქალი-მოკრივეა. 1997 წელს, ევანდერ ჰოლიფილდისა და მაიკ ტაისონის ცნობილი სპარინგის დაწყებამდე, რომლის დროსაც რკინის მაიკმა თავის მოწინააღმდეგეს ყური მოაჭამა, კრისტიმ საჩვენებელ ტესტ-ბრძოლაში მიიღო მონაწილეობა. რის შემდეგაც იგი მთელმა მსოფლიომ გაიცნო.