8 დეკემბერს „სითი ქლაბში“ ლეგენდარული მუსიკოსების – ჯიმი მორისონისა და ჯონ ლენონის ხსოვნის საღამო „ჯადოსნური ღამე“ გაიმართება. კონცერტის იდეის ავტორი და ორგანიზატორი „ივენთ მენეჯმენტის“ კომპანია „აი გრუპია“. კონცერტში მონაწილეობას მიიღებენ ჯგუფები: „ნალი“, „კომიკ ქონდიშენი“, ასევე, ქეთი ორჯონიკიძე და პანტომიმის თეატრის მსახიობები. როგორც მიხვდით, ისინი მორისონისა და ლენონის საუკეთესო ჰიტებს, „ოქროს სიმღერებს“ შეასრულებენ. „ჯადოსნური ღამე“ კონცერტს „აი გრუპმა“ მორისონის ცნობილი ჰობის გამო დაარქვა – მუსიკოსი მაგიითა და „ჯადოქრობით“ იყო გატაცებული. საინტერესოა, რომ კონცერტი მორისონის დაბადებისა და ლენონის გარდაცვალების დღეს ემთხვევა. საღამოს ბილეთების შეძენა, რომელიც 21 საათზე დაიწყება, „სითი ქლაბში“ შეგიძლიათ.