„მანჩესტერ“-„უიგანის“ შეხვედრა მასპინძელთა გამარჯვებით – 2:0 დასრულდა და ამაში უცნაური არაფერია. ორიდან ერთი გოლი „მანჩესტერელთა“ ფრანგმა მცველმა, პატრის ევრამ გაიტანა, არადა, ბოლოს ამ ფეხბურთელს კლუბის რიგებში გოლი სამი წლის წინ ჰქონდა გატანილი და ახლა შეგდებული ბურთით ზედმეტად გაიხარა.

„ძალიან, ძალიან გახარებული ვარ. სიტყვებით ვერ გადმოგცემთ იმას, რასაც ვგრძნობ. როცა მატჩი დასრულდა, ჩემს თანაგუნდელთან, ჟი სუნ პარკთან მივედი და ჯერ მადლობა გადავუხადე საგოლე გადაცემისთვის, მერე კი დავპირდი, რომ ამ საჩუქრის გამო საშობაოდ საჩუქარს მეც გავუკეთებ და ავტომობილს ვაჩუქებ“, – განაცხადა ევრამ.