დიდი ხანია, ანა ჩაკვეტაძეს პატარა ტურნირიც კი არ მოუგია. ქართული წარმოშობის ჩოგბურთელი ტრავმებმა გატანჯეს და, თუ ორი წლის წინ იგი მსოფლიო რეიტინგის საუკეთესო ხუთეულში შედიოდა, ახლა ასეულშიც კი აღარ არის. ამის მიუხედავად, იგი რუსეთში არ ავიწყდებათ და ცოტა ხნის წინ თამამი ფოტოსესიაც მოუწყვეს.

„ტრავმები რომ არა, ანა ბევრად მეტს მიაღწევდა. თუმცა ეს არ ნიშნავს, რომ იგი წარუმატებელი ჩოგბურთელია. მისი ცხოვრება დღესაც ბევრს აინტერესებს,“ – ასეთი იყო ფოტოსესიის იდეის ავტორთა ნააზრევი.

ანას ფოტოსესია მართლაც შთამბეჭდავი გამოვიდა და, როგორც ამბობენ, მთელი ფოტოსესიის განმავლობაში, გოგონას პირადი აგენტი და მამა, ჯემალ ჩაკვეტაძე, გვერდიდან არ მოშორებია.