პერის ჰილტონის რეგალიების ჩამოთვლა, ალბათ, შორს წაგვიყვანს და ამიტომ მარტივად გეტყვით: სკანდალურად ცნობილი პერისი მალე რინგზე გავა – იგი ერთ-ერთ შოუში მიიღებს მონაწილეობას და პროფესიონალ მოკრივეს შეხვდება. მართალია, ამ ყველაფერს შოუს სახე აქვს, მაგრამ პერისს არ სურს, რომ სავარჯიშო მსხალი იყოს, ამიტომ მომავალი შეხვედრისთვის განსაკუთრებით ემზადება. ამისთვის მან ფრანგი მწვრთნელი დაიქირავა და საჩვენებელი ვარჯიშიც გაიმართა.

„ვარჯიშზე პერისი სერიოზულობის განსახიერება იყო, მწვრთნელი კი აშკარად ღლაბუცობდა. ამიტომ, ჰილტონმა ფეხი მოუქნია და უადგილო ადგილას ამოარტყა, რასაც მწვრთნელის კვნესა მოჰყვა,“ – წერენ ჟურნალისტები.

მართალია, მერე პერისმა ბოდიში მოიხადა, ძალით არ მინდოდაო, მაგრამ, როდის იყო, კრივში ფეხებს ხმარობდნენ?!