ქეთა თოფურია ქორწილისთვის ემზადება
რუსულ ინტერნეტსივრცეში სისტემატურად იწერება იმის შესახებ, რომ ქეთა თოფურია და ბიზნესმენი ლოვა, ქორწილისთვის ემზადებიან, თუმცა, სასიძოს გვარს ჯერ კიდევ არ ასახელებენ რუსული საიტები, ზოგჯერ კი ქართველ ბიზნესმენ ლევანად მოიხსენიებენ. სულ რამდენიმე დღის წინ „ა-სტუდიოს” ახალი კლიპის „ფეშენ გერლ” პრეზენტაციაზე, ქეთა დედასთან – ნატასთან და საქმროსთან ერთად მივიდა. ქეთა და ლოვა ერთი წელია, ერთმანეთს ხვდებიან. თუმცა, რომანს მაქსიმალურად ასაიდუმლოებდნენ. დღეს კი საქმრო და საცოლე უკვე ერთად ჩნდებიან. იმასაც ამბობენ, რომ დაგეგმილი ქორწილი ქეთას მამის გარდაცვალების გამო გადაიდო და საქმრო მზად არის ერთწლიანი გლოვა აცადოს საცოლეს. მაგრამ, ქეთას მოსკოვური გარემოცვა ამბობს, რომ შესაძლოა, წყვილმა პატარა ქორწილი ძალიან მალე გადაიხადოს. ერთი სიტყვით, რუსული შოუ-ბიზნესი მათ შორის ყველაზე ლამაზი – ქეთას ქორწილის მოლოდინშია.