ალბათ, ყველას ახსოვს პატარა ინვალიდი ბიჭი, რომელმაც რვა წლის ასაკში სამთავროს დედათა მონასტერში, ბერი გაბრიელის საფლავზე ფეხი აიდგა. უკვე მრავალი წელია, რაც მამამისი, გოგიტა მურცხვალაძე ატარებს უამრავ საქველმოქმედო აქცია-კონცერტს, აწყობს გამოფენა-გაყიდვებს. გასულ და მიმდინარე წელს ბათუმსა და თბილისში გამოფენა-გაყიდვები გაიმართა, სადაც გასაყიდად გაიტანეს ცნობილი მხატვრების, მოქანდაკეების, თექისა და გობელენის ოსტატების შემოწირულობანი.

გოგიტა მურცხვალაძე: „ყველა გამოფენა ფართოდ გაშუქდა ჟურნალისტების მიერ და მინდა მათ დიდი მადლობა გადავუხადო ამისთვის. შემოსული თანხა ჩემი შვილის ოპერაციისთვის გროვდება. მინდა, უღრმესი მადლობა ვუთხრა ჩვენს გამოჩენილ მხატვრებს, რომლებმაც უშურველად გაიღეს შემოწირულობანი. ესენი არიან: ქალბატონი რუსუდან ფეტვიაშვილი, ედმონდ კალანდაძე, ზურაბ ნიჟარაძე, თაზო ხუციშვილი, ცირა კალანდაძე, ოლეგ ტიმჩენკო, ნათელა კიკნაძე და მრავალი მათი კოლეგა. დიდი მადლობა ყველას თანადგომისთვის.“