გასულ უქმეებზე ინგლისის პრემიერლიგაში საინტერესო რამ მოხდა: „ანტონ ვილა“-„მანჩესტერის“ შეხვედრაში, სტუმართა მცველმა დარენ ფლეტჩერმა მეორე ტაიმში ტუჩი გაიხეთქა და მაისური სისხლით გაესვარა. წესების თანახმად, სისხლიანი მაისურით თამაში არ შეიძლება და მსაჯმაც სავსებით სამართლიანად მოითხოვა მისი შეცვლა. როგორც გაირკვა, კლუბს ფლეტჩერის სხვა მაისური წამოღებული არ ჰქონია და დარენიც იძულებული გახდა თამაში უნომრო, ანუ სავარჯიშო ფორმით გაეგრძელებინა.

„ასეთი რამ საუკუნეა, არ მომხდარა. უნომრო მაისურებით ინგლისში ფეხბურთს მე-19 საუკუნეში თამაშობდნენ“, – ხარობდა მატჩის წამყვანი.