34 წლის ვეტერანი ბრაზილიელი ფეხბურთელი – რონალდო ამჟამად ბურთს „კორინთიანსში“ აგორებს და დიდი ალბათობით, კარიერის უკანასკნელ წელს ითვლის. როგორც ჩანს, „კიჭა“ მომავალზეც დაფიქრდა და მსახიობობა გადაწყვიტა. იგი მთავარ როლს შეასრულებს კომედიაში, რომლის გადაღებაც უახლოეს თვეებში იგეგმება.

„მართალია, ფილმი კომედიური ჟანრის იქნება, მაგრამ მე განგსტერის როლს შევასრულებ და ბანკის მძარცველი ვიქნები. არასდროს არაფერი გამიძარცვავს, მაგრამ მჯერა, რომ თამაში კარგად გამომივა. თუ ფილმს წარმატება ექნება, მსახიობობაზე სერიოზულად დავფიქრდები“, – ამბობს რონალდო.