ვინც ხშირად მიირთმევს ყვითელ და ნარინჯისფერ ხილს და ბოსტნეულს, ის ართრიტის რისკისა და სახსრების ანთებისგან მეტად დაცულია.

ხილ-ბოსტნეულს ყვითელ შეფერილობას აძლევს კაროტინი, ანუ ნივთიერება, რომელსაც აქვს ანტიოქსიდანტური ეფექტი. ამის წყალობით, ისინი ხელს უშლიან თავისუფალი ჟანგბადის რადიკალების დამაზიანებელ ზემოქმედებას უჯრედებსა და ქსოვილებზე.

გარდა ამისა, A და C ვიტამინით მდიდარი პროდუქტები სასარგებლოა მხედველობისთვის, აგრეთვე გუნება-განწყობის ასამაღლებლად ცივ სეზონზე.

თუ ადამიანი ყოველდღიურად სამ ჭიქა ლიმონის წვენგარეულ წყალს დალევს, ამით საკუთარ ორგანიზმს ტოქსინებისა და წიდებისგან გაათავისუფლებს.

გრიპის დროს, ლიმონი არ დაივიწყოთ, რადგან მას გაციების საწინააღმდეგო უნიკალური თვისებები გააჩნია.

ყოველდღე ლიმონის წვენი ჩაისა და სასმელ წყალში ჩაამატეთ და ისე მიიღეთ. ასეთი წესით, იმუნურ სისტემასაც გაიძლიერებთ და გრიპისგანაც დაიცავთ თავს.

ლიმონის ზომიერი მოხმარება დაგიცავთ თავის ტკივილისგან, მოგიწესრიგებთ საჭმლის მომნელებელ სისტემას, დაგირეგულირებთ არტერიულ წნევას. ასევე, კარგია თირკმელების დაავადების პროფილაქტიკისთვის.