* ასტრახანელები თავის თავს „ნუგაის“, „კარაგაშს“ უწოდებდნენ; ციმბირელები მათ „სებერეკებს“, „ტობოლიკებს“, „ტურალებს“, „ბარაბას“ ეძახიან; ლიტველები – „მუსლიმებს“ „ლიპკებს“; ვოლგოურალელები – „მუსულმანებს“, „კაზანლებს“, „ბოლგარებს“, რუსები კი – თათრებს.

* თავდაპირველად, ჰოლანდიელები იახტებს მხოლოდ თევზსაჭერად იყენებდნენ, ახლა კი იახტები მრავალი დანიშნულებისაა: სასეირნო, პიკნიკების მოსაწყობი, დედამიწის გარშემო სამოგზაუროც კი.

* ტყვიამფრქვევი 1883 წელს გამოიგონეს. ინგლისში მას ფირმა ვიკერსი აწარმოებდა. პირველად ის სამხრეთ აფრიკაში ინგლისი-ბურების ომში, საველე ბრძოლებში გამოიყენეს.

* 1992 წლის ზამთრის ოლიმპიადის მედალი დაამზადეს მთის ბროლისგან, რომელშიც „მომწყვდეული“ იყო ალპების ჰაერი. ორი წლის შემდეგ კი ნორვეგიული ძოწით დაამზადეს. 1999 წელს გადაწყდა, მედალი ისევ ძველებურად დაემზადებინათ – ჩვეულებრივი ოქროსგან.

* შუა საუკუნეებში მათ ფაცაციები ერქვა, მათში აღწერილს კი, ჩვეულებრივ, ცნობილ ადამიანებს მიაწერდნენ. თავდაპირველად, აღმზრდელობით ხასიათს ატარებდა. ახლა ის საკმაოდ სახეცვლილია და სახელადაც შედარებით ძველი სიტყვა – ანეკდოტი ჰქვია.

* პირველი წყალქვეშა ქორწინება 1973 წელს ხმელთაშუა ზღვაში, გენუასთან ახლოს ჩატარდა. ახალდაქორწინებულები, მღვდელი და დამსწრეებიც აკვალანგისტების სამოსში იყვნენ გამოწყობილნი. პატარძალს კი ხელში მარჯნის თაიგული ეკავა.

* ოსკარ შინდლერს – მეორე მსოფლიო ომის დროს 3 ათასამდე ებრაელის გადამრჩენს, აჩუქეს ოქროს ბეჭედი, რომელზედაც ამოტვიფრული იყო მოსეს გამონათქვამი: „ერთი ადამიანის სიცოცხლის გადარჩენით, შენ თაობებს გადაარჩენ“.

* 1986 წელს გერმანიის კანცლერმა აბსოლუტურად იგივე სიტყვებით მიულოცა დამდეგი ახალი წელი მოსახლეობას როგორც 1985 წელს – ტელევიზიებმა, უბრალოდ, წინა წლის ჩანაწერი გაუშვეს.

* ლაბორატორიული ვირთხების ფიზიოლოგია, ის რომ მათ მიღებული შხამისა თუ წამლის ამოღებინება არ შეუძლიათ, მეცნიერებს დიდად ეხმარება ექსპერიმენტების ჩატარებაში.

* საჰარა არაბულად უდაბნოს ნიშნავს.

* გერმანელი ქალბატონები ახალი ავტომობილის შეძენისას ხშირად ფირმისგან საჩუქრად ავტომობილის ფერის ქუდს იღებენ.

* მუსიკის პოპულარულ მიმდინარეობას „როკ-ენროლს“ კლივლენდელმა დისკ-ჟოკეიმ ჩაუყარა საფუძველი.

* გერმანიაში, რეფორმაციისა და გლეხთა ომის ეპოქაში, რევოლუციურად განწყობილ გლეხებისა და მოქალაქეების საიდუმლო კავშირს „ფეხსაცმლის კავშირი“ ერქვა.

* მიქელანჯელო ბუენაროტის კომპოზიცია „პიეტასთან“ ასეთი ისტორიული ფაქტია დაკავშირებული: ამ შედევრმა თავდაპირველად, მოწონება ვერ დაიმსახურა, ავტორად კი სხვებს ასახელებდნენ. როდესაც მიქელანჯელომ ეს ამბავი გაიგო, ღამე მივიდა რომის წმიდა პეტრეს ტაძარში და ფართო ლენტაზე დააწერა – „ეს ფლორენციელმა მიქელანჯელო ბუენაროტიმ შექმნა“. ეს მისი ერთადერთი ხელმოწერაა.