11 ნოემბერს, კლუბ „მისონში“ ბიჭოლას პერსონალური წვეულება შედგა. „მისონის“ ხელმძღვანელობამ გადაწყვიტა, რომ ისევე როგორც ევროპაში ეწყობა ხოლმე არმანის, პერის ჰილტონისა და სხვა სელებრითების პირადი წვეულებები, იგივე გააკეთოს საქართველოშიც. „მისონი“ ყოველთვე უმასპინძლებს ცნობილ ქართველ მსახიობებს, დიზაინერებს, ფეხბურთელებს, ტელეწამყვანებს... პირველი წვეულების მასპინძლად კი როგორც ორგანიზატორებმა თქვეს, ახალგაზრდა, ნიჭიერი, ღამის ცხოვრების მოყვარული და ძალიან პოპულარული ადამიანი ბიჭოლა შეირჩა. ბიჭოლა ამ ფაქტით ძალიან ნასიამოვნები იყო. თავისი კოლექციების ფოტოებით გაფორმებულ „მისონში“ მან დიჯეობაც შეითავსა და „გოუ-გოუდენსერობაც“. წვეულებაზე მისული სტუმრები გვიან ღამით დაიშალნენ.