„მანჩესტერ იუნაიტედის“ სამ ვეტერანს – რაიან გიგზს, გარი ნევილსა და პოლ სქოულზს არაბული „ალ აჰლი“ ზღაპრულ კონტრაქტს სთავაზობს. სამივე ფეხბურთელი „მანჩესტერის“ სკოლის აღზრდილია და სამივეს ამ კლუბის გარდა არსად უთამაშია. სამივე ვეტერანი კარიერის დასალიერზეა და მაქსიმუმ, ერთ წელს თუ ითამაშებენ. ჰოდა, ასეთ სიტუაციაში მათთვის არაბთა მიერ შეთავაზებული პირობები მართლაც მეფურად გამოიaყურება.

„სქოულზი, გიგზი და ნევილი არა მარტო „მანჩესტერის“, არამედ მსოფლიო ფეხბურთის ლეგენდები არიან და ჩვენ ლეგენდების დაფასება ვიცით. მზად ვართ, თითოეულ მათგანს ორწლიანი კონტრაქტი გავუფორმოთ და კვირაში 200 ათასი ევრო ვუხადოთ. ასეთ პირობებს მათ მსოფლიოში არავინ შესთავაზებს“, – ასეთია არაბთა პოზიცია და ახლა ჯერი თავად ფეხბურთელებზეა.