რვაფეხა პაული, რომელიც მსოფლიოს ჩემპიონატის ერთ-ერთი გმირი იყო, ცოტა ხნის წინ გარდაიცვალა. ვერ გეტყვით, იწინასწარმეტყველა თუ არა რვაფეხამ თავისი გარდაცვალება, მაგრამ გერმანული აკვარიუმის მფლობელები ამბობენ, რომ სიკვდილამდე პაულმა მოასწრო და თავისი ცოდნა პატარა რვაფეხას – პოლს გაუზიარა.

„რვაფეხები დიდხანს ვერ ცოცხლობენ და ამიტომ, ვიცოდით, რომ პაულს მალე დავკარგავდით. ამიტომ, მას შეგირდი მივუჩინეთ და დარწმუნებულები ვართ, ის არანაკლები პროგნოზისტი იქნება“, – განაცხადეს აკვარიუმის მფლობელებმა.

შეგახსენებთ, რომ მსოფლიოს ჩემპიონატზე პაულმა რვა მატჩის შედეგი იწინასწარმეტყველა და ერთხელაც არ შემცდარა. მსოფლიოს ჩემპიონატის დასრულების შემდეგ კი, მას გერმანელი გულშემატკივრები მოკვლით ემუქრებოდნენ, რადგან პაულმა ნახევარფინალიდან მათი ნაკრების გამოვარდნა იწინასწარმეტყველა. ესპანეთის პრემიერმა კი, რვაფეხას პოლიტიკური თავშესაფარი ოფიციალურად შესთავაზა.