4-დან 8 ნოემბრამდე საქართველოს კინოთეატრებში რუსული კინოს ფესტივალის ფარგლებში თანამედროვე რუსულ ფილმებს აჩვენებდნენ – ფილმებს, რომელთა ნახვის საშუალებაც ქართველ მაყურებელს ნაკლებად აქვს. ფესტივალის დირექტორი ბატონი ელდარ რიაზანოვი თბილისში იმყოფებოდა და პრესკონფერენციაზე, „თბილისი მარიოტში” შეკრებილ ჟურნალისტებს, ყველა საინტერესო კითხვაზე პასუხს თავად სცემდა. ფესტივალის პროგრამების დირექტორი ბატონი სლავა შმიროვი იყო. პრესკონფერენციაზე იმედი გამოითქვა, რომ მსგავსი კულტურული ღონისძიებები ხელს შეუწყობს ორ ქვეყანას შორის პოლიტიკური სიტუაციის დათბობასაც.