20 ნოემბერს სტარტს აიღებს თბილისის მოდის კვირეული, რომელიც 24 ნოემბრამდე გასტანს. კვირეულში ძალიან ბევრი დიზაინერი იღებს მონაწილეობას, მათ შორის ისინიც, ვისაც კოლექცია „ჯორჯიან ფეშენ-ვიქზე“ არ გაუტანია. თამუნა ინგოროყვა, „ატელიე-10ა“, ნინო ჩუბინიშვილი, სიმონ მაჩაბელი, სალონი „მატერია”, „ატარე”, გიორგი შაღაშვილი, დათუნა სულიკაშვილი, ჯიჯი რეჯინი, ლიკა ალადაშვილი, ბიჭოლა, ნინო კაჭარავა, ლელა ნარსია და სხვები. ისინი ჩვენებებს არა „რედისონში” არამედ „გრატოში” გამართავენ, ახალ და საკმაოდ საინტერესო სივრცეში. გარდა ზემოჩამოთვლილისა, ღონისძიებაში მონაწილეობას მიიღებს 20 დამწყები ქართველი დიზაინერი და ასევე, აქსესუარების დიზაინერები, რომელთაც მოდის კვირეულის შემდეგ გაითქვეს სახელი.