4 ნოემბერს ყველაზე ცნობილმა, გამოცდილმა და როგორც მას უწოდებენ „აიქონ ოფ ჯორჯიან ფეშენ” მოდელმა კრისტიმ, პოდიუმზე პირველად გამოსვლიდან ჩვიდმეტი წლისთავი აღნიშნა. „ბამბა რუმსში” ქართული ბომონდის საკმაოდ სერიოზული ნაწილი შეიკრიბა. სტუმრები უკვე მოდელის ფოტოებით გაფორმებულ კლუბში იყვნენ, როდესაც კრისტი და მისი უსაყვარლესი შვილი ნატალია გამოჩნდნენ საზოგადოების წინაშე. ერთნაირ კაბებში გამოწყობილებმა უამრავი მილოცვა მიიღეს. პატარა ნატაშკა საღამოს წამყვანის ამპლუაში მოგვევლინა. სტუმრებმა კარგად იმხიარულეს. გვიან ღამით გრანდიოზული ტორტიც გაიჭრა, სადაც დიდად ეწერა – „17 წელი პოდიუმზე“. ამ დღეს მოდელმა უამრავი საჩუქარიც მიიღო. მას მეგობრებმა მოთხოვნებიც წაუყენეს, რომ რაც შეიძლება, ხშირად გამართოს წვეულებები, სადაც ყველა წარმოუდგენლად კარგად ერთობა.