5 ნოემბერს ნოდიკო ტატიშვილმა ვიწრო წრეში იზეიმა დაბადების დღე – ის საკუთარ იუბილეს მეგობრებთან ერთად რესტორანში შეხვდა, სადაც ნამდვილი ხელოვნების საღამო გაიმართა. ნინი შერმადინი, ვერიკო ტურაშვილი, დათუნა მგელაძე, მაია კაჭკაჭიშვილი და თამთა ჭელიძე, სხვა ცნობილ სახეებთან ერთად, ქართულ მრავალხმიან სიმღერებს მღეროდნენ. ნოდიკოს წლევანდელი დაბადების დღე, გასული წლებისგან განსხვავებით, იმით არის გამორჩეული, რომ მას, ინკოგნიტო ქალბატონმა რესტორნის ადმინისტრაციას ნოდიკოსთვის გადასაცემად დაუტოვა პატარა კოლოფი, რომელშიც ბრილიანტისთვლიანი ოქროს საათი აღმოჩნდა. ამ ფაქტმა შოკში ჩააგდო, როგორც თავად იუბილარი, ისე მისი მეგობრებიც.

ჩვენი ჟურნალის სახელით, ვულოცავთ ნოდიკოს დაბადების დღეს და უდიდეს წარმატებებს ვუსურვებთ მას!