3 ნოემბერს ცნობილი ქართველი მომღერლის, ანრი ჯოხაძის დაბადების დღე იყო, რომელსაც მრგვალი თარიღი – 30 წელი შეუსრულდა. მან ეს დღეც ჩვეული ორიგინალობით აღნიშნა. დილა კლიპის გადაღებით დაიწყო ახალ სიმღერაზე – „როცა წავალ”. როგორც წესი, ამ სიმღერის არანჟირება და ტექსტი თავად მომღერალს ეკუთვნის. კლიპი სიურეალისტურია, რომელსაც, სავარაუდოდ, საკმაოდ დიდი გამოხმაურება მოჰყვება. გვიანობამდე გაგრძელდა მორიგი სკანდალური კლიპის გადაღება, რომელიც კინოგამოსახულებით იქნება. გადაღების შემდეგ იუბილარმა გადამღებ ჯგუფთან და მეგობრებთან ერთად რესტორანში გადაინაცვლა. საიუბილეო „ტუსოვკა” გვიან ღამემდე გაგრძელდა. ანრიმ, მიუხედავად მძიმე სამუშაო დღისა, კარგად მოილხინა. ვუერთდებით ანრის მეგობრების მილოცვებსა და ყველაფერ საუკეთესოს ვუსურვებთ მას!