როცა ჩოგბურთელი გქვია და ჩოგანს ხეირიანად ვერ იქნევ, სხვა რამ უნდა გააქნიო, წინააღმდეგ შემთხვევაში, პოპულარობისა და შესაბამისად, ფულის მოპოვება ძნელი საქმეა. ამას დროზე მიხვდა სერბი კაროლინა იოვანოვიჩი, რომელიც მსოფლიო ქალთა რეიტინგში 404-ე ადგილზეა. ვერ გეტყვით, რით მოხიბლა კაროლინამ „ფლეიბოის“ რედაქტორი, მაგრამ ფაქტია – გოგონას შიშველი ფოტოები ამ ჟურნალში გამოჩნდა.

„ძალიან ლამაზი სხეული მაქვს და მის დამალვას არ ვაპირებ. ფოტოები ძალიან მომწონს და იმედია, ჩემს გულშემატკივრებსაც მოეწონებათ“, – განაცხადა კაროლინამ.

სხვათა შორის, ჟურნალის რედაქციამ არც ის დამალა, ამ ფოტოსესიის სანაცვლოდ, იოვანოვიჩმა, სულ რაღაც, 32 ათასი დოლარი რომ მიიღო. მაგრამ, ამ ფინანსურ კრიზისში ესეც საქმეა.