ვენესუელელი მოდელი აიდა იესეპიცა აგერ უკვე მერამდენე წელია, იტალიაში ცხოვრობს და სამოდელო საქმიანობასაც იქ ეწევა. იტალიაში კი მოდელებს ფეხბურთელთა სახით მუშტარი სულ ჰყავთ. აიდასაც ერთი პერიოდი იტალიის ნაკრების მცველი, მატეო ფერარი ეკურკურებოდა. პრინციპში, კი არ ეკურკურებოდა, ქალმა მას გოგონაც გაუჩინა და წყვილი მხოლოდ იმიტომ დაშორდა, რომ მატეო სათამაშოდ თურქულ „ბეშიქთაშში“ გადავიდა. იესეპიცამ კი, თურქეთში ცხოვრებაზე კატეგორიული უარი განაცხადა. მას შემდეგ, წყვილმა შერიგება რამდენჯერმე სცადა, მაგრამ ამ საქმიდან არაფერი გამოვიდა, ახლა კი...

„კაცები ყელში ამოვიდნენ, ყველა ერთნაირია და პირობას ვდებ, მათთან საქმე აღარასოდეს მექნება“, – განაცხადა აიდამ.

ვერ გეტყვით, საიდან იცის, მაგრამ ქალმა ლაპარაკის ნაცვლად საქმეც გვანახა და გასულ კვირას ღამის კლუბში ლისანდრო სილვასთან ერთად გამოჩნდა. ეს გოგონაც მოდელია და მეგობარი კაციც ჰყავს, მაგრამ გოგონებმა ისეთი მხურვალე შოუ დადგეს, მტერს შეშურდებოდა. ახლა ამბობენ, ლისანდრო და აიდა ერთად არიან და სილვა შეყვარებულს მალე დაშორდებაო.