მადრიდის „რეალის“ სუპერვარსკვლავი კრიშტიანუ რონალდუ დიდების ზენიტშია და სარეკლამო კონტრაქტები თავზე აყრია. ჰოდა, გასულ კვირას პორტუგალიელი საკუთარ სამშობლოში ერთ-ერთი ბანკის რეკლამაში გადაიღეს.

„სხვა ბანკებიდან შემოთავაზება რამდენჯერმე მქონდა, მაგრამ უარი ვთქვი, რადგან ყველა ბანკს ვერ ენდობი. რაც მთავარია, ვერავის მოუწოდებ, გინდა თუ არა ფული ამ ბანკში დააბანდეო. ახლა კი, როცა ეს ბანკი დამიკავშირდა, უარი არ მითქვამს, რადგან მათ ვენდობი და იმედია, მე ბევრი მომბაძავს“, – განაცხადა რონალდუმ.

ამ გარიგებაში ყველაზე საინტერესო ის არის, რომ ბანკმა კრიშტიანუს შვილს, რომელიც ჯერ ექვსი თვისაც არ არის, საბანკო ანგარიში გაუხსნა, და ზედ მილიონი ევრო დარიცხა. პატარას ამ ფულის დახარჯვის უფლება მაშინ ექნება, როცა ის სრულწლოვანი გახდება. მანამდე კი, თანხას პროცენტები დაემატება. ვერაფერს იტყვი, როცა ორი თვის ხარ და ბანკში მილიონი გიდევს მინიმუმ, იმას უნდა ეცადო, რომ სრულწლოვანი მალე გახდე.