ნანუკა ჟორჟოლიანის ძმას მეორე შვილი შეეძინა
ამასწინანდელი სკანდალის შემდეგ, რომელიც ნანუკა ჟორჟოლიანის ძმის – მიშა ჟორჟოლიანის დაჭერას მოჰყვა, მის ცხოვრებაში ბევრი რამ შეიცვალა. ცოტა ხნის წინ ის ციხიდან გამოუშვეს, თუმცა ეს არ არის მთავარი, რადგან 27 ოქტომბერს მას მეორე შვილი შეეძინა. მეუღლემ, ნინო ჟორჟოლიანმა (ქმრის გვარზეა) ქმარს მეორე ბიჭი აჩუქა და ამით უდიდესი სიხარული მოუტანა მთელ ოჯახს. პატარას ლუკა დაარქვეს. როგორც ჩვენთვის გახდა ცნობილი, დედა-შვილი თავს მშვენივრად გრძნობს. მიშასა და ნინოს უფროსი შვილი სამი წლისაა. ჩვენ ვულოცავთ წყვილს და ასევე ნანუკას, ამ სიხარულს, ჯანმრთელობას და უდიდეს ბედნიერებას ვუსურვებთ პატარა ლუკას!