ქართული ანბანის თითოეული ასო ასტროლოგიური კუთხით, გარკვეული ენერგეტიკის მატარებელია და მას კონკრეტული, ერთნიშნა რიცხვი შეესაბამება. ამ რიცხვებს კი ჩვენთვის, ადამიანებისთვის ყველა საინტერესო და საჭირო საკითხის შესახებ, შეუძლია ინფორმაციის მოწოდება. ასოების რიცხობრივი მნიშვნელობები ასე ნაწილდება: 1 – ა, ე, ი; 2 – ბ, კ, რ, პ, ო, ქ, ხ, ყ; 3 – ჯ, გ, შ, ლ, ღ, ჟ; 4 – დ, მ, ტ, თ; 5 – ნ; 6 – უ, ვ, ს; 7 – ზ; 8 – ფ, ჰ, ჩ, ჭ; 9 – ძ, წ, ც.

შეგიძლიათ ჩაუთქვათ რაიმე, მაგალითად, დასვათ გონებაში კითხვა, რომელზეც პასუხი გაინტერესებთ, შეუსაბამეთ თითოეულ ასოს შესაბამისი რიცხვი, ზემოთ მოტანილი ცხრილიდან და მიიღეთ ამომწურავი ინფორმაცია.

მაგალითად, კითხვა: როგორ მივაღწევ წარმატებას პირად ცხოვრებაში? 22322 41613 916 9124141216 21214 9226212131=112 1+1+2=4

მიღებულ რიცხვს მიუმატეთ თქვენი სახელის, გვარის, მამის სახელისა და დაბადების თარიღისგან მიღებული რიცხვი. მაგალითად, დავით გიორგის ძე რევია, ათას ცხრაას ოთხმოცი, ათი მარტი.

დავით რევია გიორგის ძე – 41614 21611 3122316 91. 16+11+18+10=55 5+5=10 1+0=1

ათას ცხრაას ოთხმოცი – 1416 922116 2424291 12+21+24=57 5+7=12 1+2=3

ათი მარტი – 141 41241 6+12=18 1+8=9

მიღებული რიცხვები შეკრიბეთ, სანამ არ მიიღებთ ერთნიშნა რიცხვს.

1+3+9=13 1+3=4

ანუ, გამოვიდა, რომ დასმული კითხვის პასუხი, კონკრეტული ადამიანისთვის არის 4.

მიღებული რიცხვის ასტროლოგიური განმარტება კი ასეთია:

1 – ჩანაფიქრი აგისრულდებათ და საწადელს მალე მიაღწევთ;

2 – ამ საკითხის გადაწყვეტაში, უმჯობესია, ოჯახის წევრების აზრი გაიზიაროთ. მშობლები გადამწყვეტ როლს თამაშობენ.

3 – უმჯობესია, იყოთ მეტად აქტიური და გაიზიაროთ მეგობრებისა და ახლობლების რჩევები წარმატების მისაღწევად.

4 – კონკრეტული საკითხის გადაწყვეტის დროს დაიბარეთ მეგობრები და ნათესავები. მათი დახმარებით შეძლებთ მიაღწიოთ დასახულ მიზანს.

5 – ამ საკითხის გადაწყვეტაში დაგეხმარებიან ნაცნობები, თუმცა, გადაწყვეტის დროს, ჯობია მეტი ინფორმაცია შეაგროვოთ და კარგად გაიზიაროთ ის ნაბიჯი, რომელიც უნდა გადადგათ.

6 – დაიხმარეთ გამოცდილი ადამიანები და კოლეგები. ასევე, გაითვალისწინეთ, საყვარელი ადამიანის რჩევა.

7 – მიმოიხედეთ ირგვლივ და გაითვალისწინეთ ყველა დეტალი. გარშემო მყოფებში ამოირჩიეთ სანდო ადამიანი, ვისაც თქვენს სურვილს გაუმხელთ და მისგან მიიღეთ კომპეტენტური რჩევა, რეალიზება, რამდენად რეალურია თქვენი სურვილის განხორციელება.

8 – ნუ იქნებით სულსწრაფი. აკონტროლეთ ემოციები და კონფლიქტისადმი მიდრეკილება. „რქებით მიწოლით” ამ საკითხს ვერ გადაწყვეტთ. იაზროვნეთ პრაქტიკულად.

9 – მიჰყევით გულისთქმას, ენდეთ ინტუიციას და ის არ გიღალატებთ. უმჯობესია, სწრაფად იმოქმედოთ და დრო ტყუილუბრალოდ არ დაკარგოთ. მაშინ, წარმატებას ადვილად მიაღწევთ და თან, დანაკარგების გარეშე.