მელიტა ტანიოლო იტალიელი მოდელი და ტელეწამყვანია, ეს ორი ცნება აპენინებზე პრაქტიკულად გადაჯაჭვულია. ჰოდა, ამ ქალმა ჩემპიონთა ლიგის ფინალამდე განაცხადა, – მთელი ცხოვრება იმაზე ვოცნებობ, მილანის „ინტერმა“ ჩემპიონთა ლიგის თასი მოიგოს და თუ ასე მოხდება, საჯაროდ გავშიშვლდები და სტრიპტიზს ვიცეკვებ, ხოლო თუ სურვილი ექნება, ჟოზე მაურინიოს, სადაც მეტყვის, იქ გავყვებიო.

„ინტერმა“ ჩემპიონთა ლიგა მოიგო, მაურინიო გუნდის მწვრთნელი აღარ არის, მაგრამ მელიტას პირობა ბევრს დაავიწყდა. სამაგიეროდ, არ დაავიწყდა „ნერაძურის“ ერთ-ერთ ქომაგს, რომელმაც გადაცემის დროს ტანიოლოს პირდაპირ ეთერში დაურეკა და დადებული პირობა შეახსენა. მელიტამ თავიდან კი დაიმორცხვა, მაგრამ მერე დამრეკავს აქეთ შეუტია, „ინტერის“ ფეხბურთელები და მწვრთნელი ხმას არ იღებენ და შენ ვინ გკითხავსო. ჰოდა, ამ გადაცემის შემდეგ, „ინტერის“ ფეხბურთელებმა ერთობლივი და სახალისო წერილი დაწერეს, სადაც მითითებული იყო, რომ ისინი პირობის შესრულებას ითხოვენ. მელიტამაც განაცხადა, უახლოეს მომავალში ვალს გადავიხდიო.

სხვისი რა გითხრათ, მაგრამ მოვალეც ასეთი უნდა.