კაროლინ ვოზნიაცკი მსოფლიოს საჩოგბურთო რეიტინგს სათავეში უდგას და რა თქმა უნდა, მასზე არაერთი ცნობილი გამოცემა ნადირობს. ყველაზე საინტერესო და ღირებული წინადადებით კაროლინს „ფლეიბოიმ“ მიმართა და გაშიშვლების სანაცვლოდ, ზუსტად მილიონი დოლარი შესთავაზა. თუმცა, ვოზნიაცკიმ „ქოში უკუღმა ჰყარა“, ჩემი სხეულის ნაწილებს ვერ იხილავთო. რა თქმა უნდა, მაშინ კაროლინს წარმოდგენაც კი არ ჰქონდა, რომ...

ვოზნიაცკი დასასვენებლად სარდინიაზე გაემგზავრა და ნამზეურს (ჩვენში რომ „ზაგარს“ ვეძახით) პრაქტიკულად შიშველი იღებდა. აბა, რა იცოდა ჩოგბურთელმა, რომ გვერდით პაპარაცი ირუჯებოდა და სურათებს უღებდა. მართალია, მისი განსაკუთრებით საინტერესო ნაწილები მაინც დაფარული დარჩა, მაგრამ რაც გამოქვეყნდა, სავსებით საკმარისი იყო იმისთვის, „ფლეიბოის“ მესვეურთ ეთქვათ, მილიონი კი არა, ვოზნიაცკი აქეთ რომ გვეხვეწოს, მის ფოტოებს მაინც არ დავბეჭდავთ, საინტერესო ვერაფერი დავინახეთო.